06.07.2016 - 15:53

Sumariš 2016

Sjįlfbošališarnir okkar sįum um andlitsmįlun en eins myndirnar gefa til kynna endušu krakkarnir į žvķ aš mįla sjįlfbošališana!
Sjįlfbošališarnir okkar sįum um andlitsmįlun en eins myndirnar gefa til kynna endušu krakkarnir į žvķ aš mįla sjįlfbošališana!
« 1 af 2 »
Sumarið hjá okkur á Melrakkasetrinu hefur gengið ótrúlega vel. Nóg af gestum til þess að taka á móti og ekki hefur veðrið verið af verri endanum. Það er ótrúlega gaman að fá svona marga gesti sem koma úr öllum áttum til þess að fræðast um Melrakkann. Einnig hafa gestir af skemmtiferðaskipum komið til okkar og notið þess að fá hjá okkur kaffi og hjónabandssælu og vilja ólmir fá uppskriftina.

Við héldum líka upp á 6 ára afmæli Melrakkasetursins þar sem margt fólk kom og fagnaði með okkur. Boðið var upp á andlitsmálningu fyrir börnin, sem fór örlítið úr böndunum en það er alveg ljóst að allir skemmtu sér við þetta og það er það sem skiptir mestu máli. Dorgveiðikeppnin er að sjálfsögðu fastur dagskrárliður og gekk líka svona ótrúlega vel. Við skemmtum okkur ótrúlega vel og vonum að þið hafið gert það líka!

Refirnir okkar hafa það gott og eru mjög ánægðir með þann fisk sem þorpsbúar og aðrir gestir hafa gefið þeim og þakka kærlega fyrir sig. Mikill leikur hefur verið í þeim síðustu daga en annars hafa þeir verið heldur latir á þessum sólríku dögum sem við höfum fengið. 

Við erum ótrúlega ánægð með nýja starfsfólkið sem hefur gengið til liðs við okkur í sumar. Það eru þau Karlotta Dúfa Markan, Slavyan Yordanov og Freyja Rún Óskarsdóttir. Karlotta og Slavyan hafa tekið eldhúsið föstum tökum og skiptast á að elda dýrindis grænmetissúpu handa gestunum okkar. Slavyan gefur þar móður sinni, henni Genku okkar, ekkert eftir (enda svo ótrúlega vel upp alinn). Auk grænmetissúpunnar okkar góðu munum við að sjálfsögðu bjóða upp á plokkfisk og ekki má gleyma hjónabandssælunni og vöfflunum sem enginn getur staðist.

Opið verður hjá okkur 9-18 alla daga þar til í september og allir velkomnir að kíkja á okkur.
Fyrir mitt leyti er bara frábært að vera komin aftur til Súðavíkur og ég hlakka mikið til að eyða sumrinu með ykkur á Melrakkasetrinu.

-Snæfríður 

23.03.2016 - 11:02

Sumarstarf 2016

 Langar þig að ganga til liðs við Melrakkasetrið í sumar?

Opið er fyrir umsóknir til 6.apríl 2016.

Við á Melrakkasetrinu erum að leita að starfskrafti í sumar. Um er að ræða skemmtilegt starf, með skemmtilegu fólki á skemmtilegum stað í Súðavík.
Starfið felur í sér:
Taka vel á móti og þjóna gestum
Baka og elda frá grunni í kaffihúsinu okkar
Leiðbeina gestum um safnið og sýna þeim refina
Gefa ferðamönnum upplýsingar um svæðið
Almenn verk á setrinu eins og þrif, viðhald og önnur verkefni.
Brosa, hlæja og hafa gaman með okkur hinum

Við erum að leita að skemmtilegum og glaðlyndum einstaklingum með mikla þjónustulund sem finnst gaman að vinna með fólki og eru með jákvætt viðhorf.
Umsækjendur verða að vera 18 ára eða eldri, hafa góð tök á tveimur af eftirfarandi tungumálum: Íslensku, ensku eða þýsku. Ekki er verra að hafa reynslu af svipuðu starfi og reynsla á sviði líffræði/vistfræði verður tekin til greina.

Við erum að leita eftir einstaklingum sem geta byrjað að vinna hjá okkur um miðjan maí eða í byrjun júní og geta unnið þar til seint í ágúst eða september. Vaktirnar í júní-ágúst eru 11 tímar og skipulagið á þeim er 2, 2, 3. Þá er unnið í 2 daga, frí í 2, daga, unnið í 3, daga frí í 2, unnið í 2 daga, frí í 3 daga o.s.frv.

Við getum hjálpað til með tímabundið húsnæði í þorpinu yfir sumarið ef þarf.

Umsóknir sendist á fox@arcticfoxcenter.is fyrir 6.apríl 2016. Fyrir frekari upplýsingar er hægt að hafa samband við Midge (456-4922) eða senda tölvupóst á melrakki@melrakki.is.
Vefumsjón