20.10.2010 - 09:34

Hiš Villta Noršur

Hið Villta Norður - The Wild North er Samnorrænt verkefni um þróun sjálfbærrar náttúrulífsferðamennsku á norðurslóðum.

Þátttakendur koma frá Norður-Noregi, Grænlandi, Færeyjum og Íslandi. Heimasíða verkefnisins er www.thewildnorth.org

Yfirmarkmið verkefnisins (TWN) er að stuðla að sjálfbærri þróun náttúrulífstengdrar ferðaþjónustu og tryggja með því undirstöður greinarinnar, afkomu þeirra sem í henni vinna og varðveislu náttúruauðlinda til lengri tíma. Þátttakendur eru rannsóknastofnanir, opinberir aðilar og ferðaþjónustufyrirtæki sem sérhæfa sig í náttúrulífstengdri ferðaþjónustu.

Á öllum starfssvæðum TWN fara fram rannsóknir til að meta þau áhrif sem aukinn fjöldi ferðamanna hefur á tiltekinn dýrahóp. Leitað er leiða til að lágmarka þau áhrif jafnframt því að hámarka aðgang ferðaþjóna að dýrunum.

Haldin eru námskeið árlega, sem eru sérstaklega miðuð að þörfum ferðaþjónustufyrirtækja og annarra hagsmunaaðila náttúrulífstengdrar ferðaþjónustu. Miðað er við að námskeiðin séu hagnýt og að þau séu opin aðilum á því svæði sem heldur námskeiðið hverju sinni, þó þeir séu ekki þátttakendur í verkefninu.

Niðurstöður rannsóknanna og raunreynsla þátttakenda verða notaðar til þess að útbúa "Wild North code of conduct" (WNCC) fyrir ferðaþjónustuaðila og gesti á TWN svæðinu. Slík vottunarkerfi eru mikið notuð erlendis og gera milljónir viðskiptavina náttúrulífsferða æ meiri kröfu á slíkt kerfi þegar þeir bóka ferðir sínar. Markmiðið er að Wild North verði þekkt og virt vörumerki / vottunarmerki á Norðurslóðum.

Á hverjum áfangastað er áætlað að fólki gefist kostur á að taka þátt í rannsóknarstarfi og leggja þar með sitt af mörkum. Ferðaskipuleggjendur taka þátt í að þróa slíka pakka. Áhersla verður lögð á að auglýsa starfsemi aðila sem hafa ábyrga ferðaþjónustu og sjálfbærni að leiðarljósi.

Þátttakendur The wild North á Íslandi:

Vestfirðir

Melrakkasetur Íslands, Súðavík (Klasaumsjón); Rannsókna- og fræðasetur HÍ, Bolungarvík; Náttúrustofa Vestfjarða, Bolungarvík; Vesturferðir, Ísafirði; Borea Adventures, Ísafirði; Hornstrandastofa, Vaxtarsamningur Vestfjarða og Markaðsstofa Vestfjarða.

Norðurland Vestra
Selasetur Íslands (Verkefnisstjórn), Hvammstanga; Sveitafélagið Skagaströnd; Náttúrustofa Norðurlands Vestra, Sauðárkróki; Illugastaðir, Húnavatnssýslu.

Norðurland Eystra
Rannsókna- og fræðasetur HÍ, Húsavík (Formennska); Norðursigling, Húsavík; Gentle giants, Húsavík; Hvalamiðstöðin á Húsavík.

Ráðgjafar:
Deborah Benham frá Dolphin Space Programme og Wild at Heart Ecoholidays (Skotlandi).
John Hull - John Hull Associates Inc. (Kanada) - sérfræðingur í uppbyggingu sjálfbærrar náttúrutengdrar ferðaþjónustu. Vinnur að auknum tengslum TWN við aðila á Nýfundnalandi.
Carol Patterson - Kalahari management Inc. (Kanada) - sérfræðingur í uppbyggingu sjálfbærrar náttúrutengdrar ferðaþjónustu.

Ferðamálastofa - Veitir ráðleggingar varðandi regluverk og kemur til með að nýta sér verkefnið við eigin stefnumótun á náttúrutengdri ferðaþjónustu.

Styrktaraðilar:
NORA , NATA, Vaxtarsamningur Norðurlands vestra, Vaxtarsamningur Vestfjarða, Ferðamálastofa, Nýsköpunarsjóður Noregs, IFAW.
Vefumsjón